अनुभव आदान प्रदान र भावी योजनाकाबारे छलफल

महिला सेवा संस्था नेपाल र एकाउन्टावीलिटी ल्याव नेपालले संघीय राजनितिक दलका युवा संगठनका नेतृत्वसंगको फागुन ६ गते बानेश्वर काठमाडौंमा अनुभव आदान प्रदान र भावी योजनाकाबारे छलफल गरेको छ । ं
नेपाल तरुण दल, राष्ट्यि युवा संघ नेपाल, यौङ कम्युनिष्ट लिग, नेपाल र लोकतान्त्रिक समाजवादी पार्टीको युवा संगठनका इन्चार्ज, प्रमुख, पदाधीकारी तथा प्रतिनीधिहरुको सहभागितामा अन्तरपाटी युवा संजालको उपादेयता, युवाका साझा विषय र युवा संगठनको सयुक्त पहलका सम्बन्धमा युवा सन्जालमा काम गरेका नेतृत्वसंगकोे अनुभव र आजको परिवेशमा यसको आवश्यकताको बारे जानकारी भयो । राष्ट्रिय राजनितिका साझा मुद्धाहरुमा युवा संगठनहरु एउटै थलोमा कामगर्ने संभावनाका बारे साथै ति साझा मुद्धाहरु केके हुन सक्छन? एउटै थलोमा कामगर्दा आउने संभावित अप्ठेराहरुका बारेमा समेत छलफल गरियो ।
युवा संगठनहरु विशेषत युवाहरुको राजनैतिक अधिकार, अर्थपूर्ण सहभागिता, सामाजिक जागरण ( सामाजिक रुपमा देखियका बलात्कार, ब्यभिचार, मौलिक हक कार्यान्वयन, बेराजगार युवाहरुको रोजगारकिो आवाज, गुणस्तरीय शिक्षा र स्वरोजगारी, भ्रष्टाचार विरुद्धको अभियान, सामाजिक सन्जाल दुरुपयोग विरुद्धको) अभियान संचालन सम्वन्धी विषयवस्तु समेतमा छलफल गरियो । टाक्स फोर्स, सल्लाहाकार समिती समेतको संरचना बनाइ रणनैतिक योजना सहित सहकार्यलाई अगाडी बढाउने, साझा मुद्धामा सहकार्य गरि एकताको सन्देश दिने जसका लागि महिला सेवा संस्था र एकाउन्टावलिटी ल्यावले सहजकीरण गर्ने गरी छलफलको समापन भएको छ ।