महिला सेवा संस्था, नेपालको आयोजनामा २०८० जेठ ११ र १२ गते “नेपालमा युवा र महिलाको नागरिक र राजनीतिक क्षेत्र सक्षम पार्ने रणनीतिक कार्यशाला” काभ्रेको धुलिखेलमा सम्पन्न भयो । यस कार्यशाला प्लान इन्टरन्याशनल र फेडोको साझेदारीमा सम्पन्न भएको हो । जसमा सांसद, राजनीतिज्ञ, पत्रकार, विभिन्न सङ्घसंस्थाका प्रतिनिधि, युवा प्रतिनिधि र कानुनविद्हरू गरी जम्मा २९ जना महिलाहरूको सहभागिता रहेको थियो ।

कार्यशालामा “विश्वदेखि नेपालसम्मको महिला क्रान्ति”का सम्बन्धमा लैङ्गिक तथा शिक्षाविद् शान्ता श्रेष्ठले, “महिलासम्बन्धी कानुनमा गरिएको व्यवस्था”का सम्बन्धमा अधिवक्ता विष्णुमाया भुषालले र “नेपालमा युवा र महिलाको नागरिक र राजनीतिक क्षेत्र सक्षम पार्ने रणनीति”का सम्बन्धमा WSI Nepal अध्यक्ष तथा NGO Federation का उपाध्यक्ष भावना भट्टले आ–आफ्नो प्रस्तुतीबाट प्रष्ट पार्नुभएको थियो ।

आगामी दिनमा अघि बढ्न सांसद, राजनीतिज्ञ, पत्रकार, विभिन्न सङ्घसंस्थाका प्रतिनिधि, युवा र कानुनविद्हरू रहने गरी बहुव्यावसायिक महिला फोरम (Multi professional women forum) गठन गरिएको थियो ।